Përgatitjet e Massimiliano Allegri-t për çerekfinalen e Champions League ndaj Real Madrid nuk kanë shkuar sipas planit, me shumë prej titullarëve të tij që kanë pësuar dëmtime.
Trajneri italian e kishte të qartë se do të luante pa Benatia dhe Pjanic, pasi të dy lojtarët u pezulluan në ndeshjen ndaj Tottenham pas kartonëve të verdhë.
Më pas erdhi lajmi i dëmtimit të Alex Sandro-s teksa ishte i grumbulluar me Brazilin, një dëmtim që do ta lë jashtë fushave për ndeshjen e parë ndaj Real.
Giorgio Chiellini ka pasur një dëmtim të ngjashëm që e detyroi të largohej nga grumbullimi me Italinë megjithëse ai ka akoma shanse për të qenë i pranishëm.
Klubi torinez madje ka theksuar se dëmtimi nuk është serioz, por Allegri nuk e ka të sigurt aktivizimin e tij.
Dhe sikur të mos mjaftonin gjithë këto probleme, Sami Khedira doli i dëmtuar nga fusha në ndeshjen e Gjermanisë ndaj Spanjës.
Si Chiellini, gjermani u shpreh i qetë se dëmtimi nuk ishte serioz.
Por gjithsesi, nëse Chiellini dhe Khedira i bashkohen Sandro, Benatia dhe Pjanic, Juventus do të jetë i përgjysmuar ndaj Real Madrid. Zidane po fërkon duart.
