Joe Biden është ishte kandidati i vetëm që propozoi një program të mirëfilltë politik me tetë pika vetëm për shqiptarët, duke shprehur kështu vizionin e tij pro Ccështjes Shqiptare në Ballkanin Perëndimor.
Ja tetë pikat e këtij programi:
- Biden zotohet që të ndryshojë qasje në qëndrimin ndaj Kosovës dhe Serbisë. Sipas tij, administrata Trump ka pasur një qasje të pabalancuar. Sipas platformës të shpërndarë nga stafi elektoral i Biden, ai zotohet që të punojë ngushtë me Bashkimin Europian për të arritur një marrëveshje që respekton integritetin territorial të Kosovës dhe shkon drejt njohjes së ndërsjellë Kosovë-Serbi.
- Biden zotohet se do të këmbëngulë që drejtësia për krimet e luftës të vihet në vend e plotë, e paanshme dhe llogaridhënie për personat e zhdukur, përfshirë këtu edhe për vëllezërit Bytyqi.
- Biden premton se do të mbështesë misionin KFOR bazuar në nevojën e sigurisë së interesave amerikane në rajon dhe jo mbi bazën e llogarive politike.
- Joe Biden premton që të ushtrojë presion ndaj Bashkimit Europian që të liberalizojë vizat me Kosovën dhe të avancojë me hapat e tjera për integrimin e saj në union përmes mekanizmit të stabilizim-asocimit.
- Pani i Biden premton forcimin e bashkëpunimit në fushën e mbrojtjes dhe të sigurisë, që të garantohet se Shqipëria do të jetë një aleate e fortë e NATO-s. Premton gjithashtu forcimin e marrëdhënieve ekonomike dhe tregtare mes dy vendeve. Biden zotohet për qëndrime të sinqerta, të paanshme dhe të drejta në rastet kur do të vërejë shkelje të parimeve demokratike.
- Biden premton të mbështesë Shqipërinë në rrugën drejt integrimit, duke nënkuptuar mbështetjen në reformat e vështira në fushën e drejtësisë dhe luftën kundër korrupsionit dhe reformat që kanë të bëjnë me zgjedhjet.
- Biden zotohet se do të punojë që dyert e BE-së të jenë të hapura për Shqipërinë në momentin që vendi do të jetë gati për anëtarësim.
- Biden premton të bashkëpunojë me partnerët europianë për të ndihmuar ekonomitë e rajonit të goditura nga pandemia, duke garantuar një të ardhme më të sigurtë për qytetarët në vendin e tyre.
