Qeveria do të ketë “impulse të reja”, të paktën prej aleatit kryesor të Edi Ramës, Ilir Metës. Burime të brendshme në LSI flasin për një fillim jave, ku nuk është çudi të ketë shkundje të tjera. Një vit para zgjedhjeve të përgjithshme pritet të ndryshohen të gjithë ministrat e kësaj force politike në qeveri. Pas Edmond Haxhinastos pritet dorëheqja e Edmond Panaritit nga Ministria e Bujqësisë.
Dorëheqja e Haxhinastos një javë para zgjedhjeve në Dibër, është një përgjigje politike e shumicës për dështimin në ndërtimin e Rrugës së Arbërit. Nuk dihet nëse ky efekt domino në kabinetin Rama do të prekë edhe ministrat socialistë. Megjithatë ka pak gjasa që të ketë shkëmbime portofolesh. Luan Rama është më e lehtë të jetë ministri i ardhshëm i Bujqësisë sesa nesër ministër i Brendshëm.
