Jo vetëm FSHF, zgjedhje të reja edhe në peshëngritje me datë 5 prill

Jo vetëm FSHF e cila i mban nesër, por edhe FSHP, Federata Shqiptare e Peshëngritjes, do të zhvillojë shumë shpejt zgjedhjet e reja për të anëtarët e rinj.

Mësohet se me datë 5 prill FSHP do të mbajë Asamblenë e Jashtëzakonshme, pasi Komiteti Drejtuesi i këtij institucioni pas shqyrtimeve të ankesave të disa klubeve ka marrë vendimin për zgjedhje te reja. Gjithashtu Komiteti Drejtues ka marrë vendimin për përjashtimin e të gjithë anëtarëve aktual.

Lajmin e ka konfirmuar sekretari i përgjithshëm i FSHP-së, Agron Haxhihyseni.

“Komiteti Drejtues i FSHP-së, në mbledhjen urgjente të zhvilluar shqyrtoi kërkesën e bërë nga disa klube. Ai vendosi në mënyrë unanime mbajtjen e Asamblesë së Përgjithshme të Jashtëzakonshme më 5 prill, ndërkohë që dy kërkesat e tjera nuk pranohen, se bien ndesh me Statutin e Federatës”, tha Agron Haxhihyseni.

Ky vendim vjen pas skandalit me dopingut të peshëngritëses Romala Begaj që solli si pasojë dorëheqjen e Elez Gjozajt, ish-presidentit të FSHF-së.