Në kuadër të 77-të vjetorit të Genocidit Grek ndaj shqipëtarëve të Çamërisë, Shoqata Patriotike Çamëria dhe Partia Drejtësi Integrim dhe Unitet organizuan ditën e sotme aktiviteti i rradhës të zhvilluar në Muzeun Historik Kombëtar, kushtuar ish-kryetarit të Shoqatës Çamëria, Hektor Sejko dhe historianit Ibrahim Hoxha.
Gjatë këtij aktiviteti, Genc Sejko, i biri i të ndjerit Hektor Sejko u shpreh i emocionuar duke thënë se Hektori u largua pa marrë vesh se ku janë varret e të parëve të tij.
Gjithashtu ai u shpreh se Hektor Sejko ishte shumë krenar dhe gjithmon krenohej për faktin që ishte kryetari i Shoqatës Patriotike “Çamëria”.
“Hektor Sejko fliste më shumë emocione për të parët e tij. Nuk me trishton vetëm fakti që ai është ndarë nga jeta, por më trishton edhe më shumë fakti se ai u largua nga jeta pa marrë vesh se ku janë varret e të parëve të tij. Jetojmë akona në një kohë që fshihen krimet e komunizmit, refuzohet të kërkohet falje, ku justifikohen me faktin që ishin ligjet e asaj kohe. Hektori nuk la amanet, Taho Sejko nuk la amanet por jeta e tyre është amaneti që kemi. Ne jetojmë ashtu siç kanë jetuar ata, përsa kohë ne jetojmë t’ i kujtojmë dhe të insistojmë të dim të vërtetën që ka ndodhur me familjen tonë dhe krahinën tonë”,- u shpreh Genc Sejko.
