Janë më të larta se kudo tjetër, shanset që një fëmijë i lindur në Shqipëri të vdesë pa i mbushur 5 vjeç

Nga Sokol Shameti

Fakte jo opinione

“Shqipëria është vendi me vdekshmërinë foshnjore më të lartë për moshat deri në 5 vjeç në Ballkan: 13.5 fëmijë/për 1000 lindje. Niveli i anemisë te fëmijët shqiptarë të grupmoshës 0-5 vjeç ka ardhur në rritje nga 22% në 2011, në 24.9% në 2016. Ndërkohë që 23.2% e fëmijëve të moshës 0-5 vjeç janë poshtë standardeve të rritjes sipas Organizatës Botërore të Shëndetësisë”.

Thënë më shkoqur, janë më të larta se kudo tjetër shanset që një fëmijë i lindur në Shqipëri të vdesë pa i mbushur 5 vjeç. Nga ata që mbeten, një në katër fëmijë vuan nga anemia dhe afërsisht një në katër ka rritje të pamjaftueshme si pasojë e kequshqyerjes dhe kujdesit të keq shëndetësor.