Dokumentari i Rai/ Berisha: Filozofia jonë është jo dhunës. Do të bëjmë ç’është e mundur që të mos derdhet asnjë pikë gjak nëpër rrugët tona.
“40 vjet në izolim të plotë. Është Shqipëria komuniste, toka e shqiponjave, një vendi i rrethuar nga malet dhe pothuajse 100 kilometër në vijë ajrore larg nga nga Pulia. Është një vend, ku ka sunduar 40 vjet qeveria staliniste diktatoriale, nën udhëheqjen e Enver Hoxhës. E mbajtur larg nga Europa nën regjimin ditatorial Shqipëria po shpërthen…”
Kështu nis dokumentari i Rai, plot 25 vjet më parë në janar të vitit 1991. Kishte kaluar vetëm një muaj nga rrëzimi i sistemit komunist dhe Shqipëria kishte nisur rrugën e tranzicionit nën një varfëri ekstreme me një elitë të re politike, e cila gjithsesi vinte nga radhët e PPSH-së.
Në dokumentar pasqyrohen protestat antikomuniste, qëndrimet e drejtuesve komunistë, por edhe ato të liderëve të dhjetorit ’90. Ja çfarë thotë Gramoz Pashko për momentin në të cilin ndodhej Shqipëria si dhe për legalizimin e shpejtë të PD-së nga strukturat komuniste.
Gramoz Pashko
Qeveria na pranoi dhe na legalizoi shumë shpejt. Por qeveria e kishte si përpjekje për të ndalur demostratat në vend më shumë se sa pranim i themelimit të PD-së, partia e parë opozitare në vend. Por ata po përpiqen të gjejnë çdo lloj mënyrë për të na ndaluar të organizohemi.
Sali Berisha
Filozofia jonë është jo dhunës. Do të bëjmë ç’është e mundur që të mos derdhet asnjë pikë gjak nëpër rrugët tona. Të gjithë kanë bindjen se problemet në Shqipëri do të zgjidhen me dialog.
Gazetarja italiane ka bërë përpjekje për të marrë një reagim edhe nga Ilir Hoxha, i biri i diktatorit Enver Hoxha. Ai përgjigjet prerë dhe pa asnjë problem: “No comment”. Buzëqesh dhe nuk ka asgjë për të thënë për masakrën ndër shqiptarë, që kishte lënë pas i ati, Enver Hoxha, diktatori më i egër në Europën Juglindore.
Ndërsa Ministri i Jashtëm i kohës, Muhamet Kapllani flet për situatën politike dhe përpjekjet e Shqipërisë për të ecur në rrugën e re të tranzicionit demokratik.
Më pas dokumentari vazhdon me situatën e rënduar ekonomike, varfërinë që ka pllakosur në të gjithë vendin. Ka reagime të ndryshme nga njerëz nëpër rrugët e Shqipërisë. Në qendrat urbane shprehin lumturinë për rrëzimin e komunizmit ndërsa në ato rurale, nuk ka mbërritur ende era e re, ata vazhdojnë me parullat: “Rroftë Ramiz Alia!”.
