Së fundmi, u bë me dije një tjetër sondazh, i cili nuk është pati shumë jehonë, por gjithsesi vazhdoi traditën e manipulimit të opinionit publik.
27.al ka siguruar dëshmi të njerëzve që kanë kryer telefonatat, përpunuar të dhënat.
Bëhet fjalë për 4000 telefonata të kryera vetëm nga numra të kompanisë Vodafone në njësinë 5, njësinë 9 dhe pak në qytetin e Kavajës.
Me këtë kampion të shpërndarë keq në Tiranë, ose më mirë të grumbulluar vetëm në tre zona të saj rezultoi se PDIU shkon deri në 4.3 për qind, ose në mandate ka të sigurtë dy deputetë në Tiranë. Kuptohet, nëse kampioni do të ishte shkencërisht i saktë do të dilte në pah e vërteta që PDIU në Tiranë ka mundësi mjaft të mëdha për tre mandate.
Megjithatë, as edhe kjo e vërtetë gjysmake nuk del në pah në tabelat e sondazhit, por numrat e PDIU-së transferohen si me magji tek Libra dhe Sfida, dy parti që në të dhënat përfundimtare të sondazheve strehohen tek kategoria: “të tjera”.
Natyrisht, ka një orientim të qartë politik që të fshihen të dhënat për të manipuluar votuesit e 25 qershorit dhe mbi të gjitha për të drejtuar votën e të lëkundërve.
Kjo lëvizje është megjithatë naive, teksa mjafton të shohësh vetëm takimet e PDIU-së në Tiranë, Kavajë, Rrogozhinë, fshatra, sepse e dallon me sy që nuk janë takime, por tubime. Kurse partitë që sondazhet na i dallojnë me mandate ose janë duke shpërndarë kartolina me çanta shpine, ose në studio duke llomotitur.
Nuk është hera e parë që televizori dështon të bëjë dikë deputet, ministër, kryeministër, sepse ligjësitë e zgjedhjeve nuk përputhen me dëshirat, interesat dhe ëndërrat në diell të pronarëve të mediave.
