Familja e këshilltarit të Cipras u vendos në Çamëri si ardhacakë
Nga Arben Llalla
Andonis Markopulos që mbajti një fjalim të fryrë kundër shqiptarëve të Çamërisë nuk ka ndonjë post në qeverinë e Aleksis Cipras, por është përfaqësues i partisë SYRIZA për politikën e jashtme. Markopulos foli me gjuhën e urrejtjes kundër çamëve, sepse ai nuk është grek, nuk është vendas në Greqi, por ardhacak nga Azia e Vogël.
Prindërit e Andonis Markopulos janë sllavë dhe kanë ardhur në Greqi me 1923 nga Azia e Vogël si popullsi e shkëmbyeshme në bazë të marrëveshjes së Lozanës. Familja e mëmës së Markopulos u vendosën fillimisht në Trakën greke dhe më tej u zhvendosën në Athinë. Kurse familja e babait të tij u vendos në Çamëri dhe me ligjin e reformës agrare, i cili u mori tokat shqiptarëve të Çamërisë dhe ua dha ardhacakëve nga Azia e Vogël përfitoi edhe familja Markopulos.
Prandaj, urrejtja e Markopulos ndaj çamëve buron nga thellësia e tij shpirtërore ardhacake. Kjo urrejtje vjen nga thellësia e historisë njerëzore e prindërve të tij, të cilët erdhën në Greqi me një torbë në krah duke u vendosur në tokat e vendasve shqiptarë në Greqinë e viteve 1922-1923.
Sa për atë nëse çamët kanë bashkëpunuar me gjermanët, e këshilloj Andonis Markopulos të lexoj dy shkrimet e fundit të historianëve dhe publicistëve grekë, Konstandinos Tsitselikis dhe Tasos Kostopulis të cilët kanë thonë: “Çamët ishin një minoritet i padëshiruar nga qeveritë greke. Në vitet 1943-1944 forcat e EDES të udhëhequr nga Napoleon Zerva dëbuan me forcë për në Shqipëri rreth 20.000-25.000 çamë. Nga ky dëbim i dhunshëm u vranë rreth 3.000 njerëz, pjesa tjetër arriti të shpëtojë duke ikur në Shqipëri. EDES dhe Zervas kryen krime, masakra kundër çamëve…”.
Këto deklarata të këtyre dy figurave të njohura greke si historianë dhe publicistë të pavarur, Andonis Markopulos i ka lexuar në gazetat greke të botuar më 25 qershor 2016, por atij nuk i pëlqen e vërteta e thënë nga mendjet e hapura të intelektualëve grekë për të vërtetën e masakrimit dhe përzënien e çamëve nga trojet e tyre.
