Lazim Destani, sipërmarrësi shqiptar është personi që ka marrë përsipër shpenzimet 14-ditore të shqiptarëve që mbetën të bllokuar për 5 ditë në tokën neutrale Greqi-Shqipëri.
dosja.al, ka mësuar se filantropi nga Tetova, babai i aktorit mjaft të njohur, Blerim Destani, do të paguajë të gjithë kostot për veshje dhe ushqim, për 27 shqiptarët që gjetën strehë, 5 ditë pas vuajtjeve që kaluan në doganën e Kapshticës.
Ata ishin bllokuar në zonën neutrale, pasi dëshironin të ktheheshin nga Greqi në Shqipëri, por qeveria nuk u hapi dyert për katër ditë, duke i lënë në të ftohtë e dëborë.
