Ndërsa rastet e variantit Delta të koronavisrusit po shtohen dita ditës, qeveria izraelite është në gati të kryejë provat e para klinike të një vaksine orale të Covid-19, në formën e kapsulës.
Vaksina e kapsulës mund të rrisë mundësinë e marrjes së vaksinës në vendet e varfra si dhe të jetë një mundëi e mirë për shkencëtarët që trajtojnë sëmundjen e Covid.
Sipas revistës “Forbes”, Oravax Medical, një kompani e përqendruar në zhvillimin e terapive orale, po përgatitet të fillojë provat klinike të një vaksine kapsule Covid-19 .
Mësohet se kompania ka marrë aprovimin nga Komiteti i Auditimit në Spitalin Ichilov, spitali qendror në Tel Aviv.
Provat klinike tashmë është në pritje të miratimit përfundimtar nga Ministria Izraelite e Shëndetësisë.
Provat e para klinike do të përfshijnë 24 vullnetarë të pavaksinuar. Secili prej tyre do të marrë një ose dy pilula. Ndërsa shkencëtarët do hulumtojnë dhe studiojnë sigurinë e vaksinës.
Nëse gjetjet janë pozitive, atëherë shkencëtarët do të vazhdojnë me prova më të mëdha klinike (fazën e tretë) për të parë nëse vaksina është e suksesshme.
Vaksina në formë kapsule do të jetë “shumë më rezistente ndaj mutacioneve Covid-19”, thonë shkencëtarët.
Shkencëtarët kanë sqaruar se përparësia e kompanisë është të sigurojë vaksinën në formë kapsule për personat që i përkasin grupeve më të riskuar nga Covid-19.
