Më 31 janar 2022, gjeneral-koloneli në pension Leonid Ivashov, 78 vjeç, kryetar i Asamblesë së Oficerëve Ushtarakë Pan-Rus, publikoi një letër të hapur drejtuar Vladimir Putinit dhe qytetarëve të Federatës Ruse, në të cilën ai kundërshtonte fuqishëm një luftë me Ukrainën.
Ai e nis letrën e tij me pyetjen nëse po kërcënohet Rusia nga fuqitë që ndodhen jashtë kufijve të saj dhe shpejt arrin në një përfundimin e pashmangshëm se kërcënimet dhe sfidat kryesore qëndrojnë brenda kufijve të saj.
“Vendi ynë është në prag të fundit të historisë së tij. Të gjitha treguesit vital, përfshirë demografinë, po degradojnë vazhdimisht dhe shkalla e zvogëlimit të popullsisë po thyen rekordet botërore. Degradimi është sistematik dhe si në çdo sistem kompleks, shkatërrimi i një prej elementeve të tij mund të çojë në kolapsin e të gjithë sistemit.
“Dhe, për mendimin tonë, ky është kërcënimi kryesor për Federatën Ruse. Një kërcënim i natyrës së brendshme, që buron nga modeli i shtetit, cilësia e pushtetit dhe gjendja e shoqërisë.
“Arsyet e formimit të tij janë të brendshme: paqëndrueshmëria e modelit shtetëror, paaftësia e plotë dhe mungesa e profesionalizmit të sistemit të pushtetit dhe administratës, pasiviteti dhe çorganizimi i shoqërisë. Në këtë gjendje, asnjë vend nuk mund të ekzistojë gjatë.”
“Situata që po krijohet rreth Ukrainës është artificiale dhe përdoret për të përfituar forcat e brendshme në Federatën Ruse.”
Më pas ai e kalon vëmendjen tek Ukraina duke deklaruar se ligjërisht ajo është një shtet i pavarur, anëtar i OKB-së dhe në përputhje me nenin 51 të Kartës së OKB-së ka të drejtën e mbrojtjes individuale dhe kolektive. Prandaj, një luftë me Ukrainën do të jetë një pushtim.
“Që Ukraina të mbetej një fqinj miqësor i Rusisë, ishte e nevojshme që ne të demonstronim atraktivitetin e modelit shtetëror rus dhe të sistemit të pushtetit. Por modeli rus i zhvillimit dhe mekanizmi i politikës së jashtme të bashkëpunimit ndërkombëtar sprapsin pothuajse të gjithë fqinjët e tij, dhe pjesën më të madhe të botës.
“Përpjekjet për të detyruar kombet të “dashurojnë” Rusinë dhe udhëheqjen e saj përmes një ultimatumi dhe kërcënimeve për përdorimin e forcës janë të pakuptimta dhe jashtëzakonisht të rrezikshme.
Pastaj gjenerali në pension pyet nëse dhjetëra mijëra të rinj të vrarë në luftë mund të zgjidhë krizat demografike.
Gjenerali në pension vizaton një hartë të armiqësive hipotetike dhe arrin në përfundimin se është e garantuar se Rusia do të humbasë njëqind e dhjetë për qind. Dhe kështu ai pyet, pse atëherë lidershipi po planifikon një pushtim.
“Sipas mendimit tonë, udhëheqja e vendit, duke e kuptuar se është e paaftë për ta nxjerrë vendin nga kriza sistemike – dhe kjo mund të çojë në një kryengritje të popullit dhe një ndryshim të dhunshëm të pushtetit në vend – zyrtarë të korruptuar, media dhe forcat e sigurisë, me mbështetjen e oligarkisë, vendosën të aktivizojnë linjën politike për shkatërrimin përfundimtar të shtetësisë ruse dhe shfarosjen e popullsisë autoktone të vendit.
“Dhe lufta është mjeti që do ta zgjidhë këtë problem për të ruajtur për një kohë pushtetin e saj antikombëtare dhe për të ruajtur pasurinë e vjedhur nga populli. Nuk mund të japim asnjë shpjegim tjetër.”
Leonid Ivashov e mbyll apelin me kërkesën kolektive të asamblesë që Putini të japë dorëheqjen dhe u bën thirrje ushtarakëve që të mos i binden urdhrave të tij si komandant i përgjithshëm në rast lufte.
Ushtarakët e Rusisë besojnë se jo vetëm Putini dhe miqtë e tij kanë vjedhur pasurinë e popullit dhe kanë shkatërruar shtetin me paaftësinë, marrëzinë dhe lakminë e tyre, por ata po planifikojnë të kryejnë gjenocid për të qëndruar në pushtet.
