Pas takimit me zv-ndihmës sekretarin i SHBA-së për Evropën dhe Euroazinë, Hojt Brajan Ji, Presidenti i Maqedonisë George Ivanov ka kërkuar garanci nga lideri i LSDM-së, Zoran Zaev se unitariteti i shtetit do të ruhet, në mënyrë që t’ia japë mandatin.
Ivanov ka kërkuar ndihmë nga “SHBA si partner i Maqedonisë, për largimin e pengesave dhe të mundësohet që shumicës parlamentare t’i jepet mandati”.
Presidenti maqedonas kërkon nga Zaev që ta plotësojnë fjalimin publik se “bashkë me partnerët e koalicionit do të vijnë dhe do t’i sigurojnë kufijtë për përforcimin e unitaritetit të shtetit dhe se gjithçka do të jet në pajtueshmëri me Kushtetutën e Republikës së Maqedonisë”.
“Platforma nga Tirana nuk mund të jetë kusht, ose, bazë për formimin e Qeverisë së Maqedonisë. Qytetarët të qëndrojnë të përmbajtur dhe të jenë të durueshëm, pasi që ekziston zgjidhje të cilat duhet të sillen me logjikë të shëndoshë dhe dialog”.
