Kryeministri i Kosovës, Ramush Haradinaj, ka marrë dy urime nga Shtetet e Bashkuara me rastin e festave.
Përmes një postimi në Facebook, Haradinaj shtoi se ky urim është një konfirmim i miqësisë së përhershme të Kosovës me Shtetet e Bashkuara të Amerikës.
“Pata nderin e veçantë të pranoj urim për festat e fundvitit nga Presidenti i Shteteve të Bashkuara të Amerikës, Donald Trump. Ky urim është edhe një konfirmim i miqësisë së përhershme të Kosovës me Shtetet e Bashkuara të Amerikës. Po ashtu, kam pranuar telegram nga Sekretari i Departamentit Amerikan të Shtetit, Rex Tillerson, në të cilin, ai më falënderon për mbështetjen personale, por edhe institucionale të shtetit të Kosovës në luftën kundër terrorizmit dhe radikalizmit”, shkruan Haradinaj.
