Përfaqësuesja jonë U-17 ka humbur sot ndeshjen e parë kualifikuese në Ravena, përballë Italisë vendase. Rezultati teknik i takimit ishte 1-0, ku italianët u zhbllokuan vetëm në të 62’, ndërkohë që tanët kishin mundësitë e tyre, por që nuk u shfrytëzuan.
Interesant është fakti, që me përfaqësuesen axurre u aktivizuan edhe dy futbollitë me origjinë shqiptare, pikërisht Rilind Nikovazi, futbollist i Atalantës dhe Alesandro Ahmetaj (në foto), i cili aktivizohet me para të rinjtë e Çezenës.
Në stadium për të ndjekur takimin ishte edhe trajneri i Kombëtares A, Xhani De Biazi, i interesuar për të ndjekur nga afër të përzgjedhurit e trajnerit Xhemal Mustadanagiç, por ndoshta edhe nga krahu tjetër i fushës.
Ndërkohë ndeshja tjetër e grupit tonë, ajo midis Serbisë dhe Maqedonisë, përfundoi 3-1 dhe u zhvillua po në Itali, ku do të luhen të gjitha takimet e grupit.
