Italia e Roberto Mancini-t është ndryshe, fiton me lojë dhe me gola. “Axurrët” e nisën me një triumf 3-0 ndaj Turqisë në “Olimpico” të Romës, duke marrë tre pikët e para në grupin A, ku janë favoritët absolutë për të kaluar në raundin tjetër.
Një duel i dominuar prej Italisë, që mund të kishte shënuar në pjesën e parë me Insigne dhe Chiellini, por Çakir i Turqisë nuk e lejoi diçka të tillë. Në fund protagonist ishte edhe arbitri Danny Makkelie, i cili nuk akordoi një penallti në minutën e fundit të pjesës së parë.
Polemikat për atë episod do të jenë të mëdha, por fatmirësisht nuk kishin ndikim në fatet e ndeshjes. Pjesa e dytë nisi me të njëjtën tablo, me Italinë që kërkonte me ngulm golin e epërsisë dhe e gjeti me një ndihmë të vogël.
Demiral devijoi një top në zonë dhe e çoi në portën e mbrojtur nga Çakir. Festë e madhe në stadium, Italia në epërsi dhe duhej edhe goli i dytë. Protagonistë Spinazzola dhe Immobile, me këtë të fundit që nuk fali brenda zonës dhe shënoi.
E gjithë mbrëmja ishte e Italisë. Pas një gabimi në pasim të portierit Çakir, “Axurrët” shënuan edhe golin e tretë. Sërish një sulmues, Insigne, i cili nuk fali. 3-0 dhe praktikisht gjithçka ishte e mbyllur dhe ashtu rezultoi, pasi deri në fund nuk pati gol tjetër.
Italia vijon të thellojë rekordin, me 28 ndeshje pa humbje në arenën ndërkombëtare. Humbjen e fundit ua ka shkaktuar Portugalia në shtator të vitit 2018.
TURQI-ITALI 0-3
Shënues: Demiral (aut.) 53′, Immobile 66′, Insigne 79′
TURQIA: Çakir; Celik, Demiral, Soyuncu, Meras; Yokuslu (Kahveci 65′); Calhanoglu, Tufan (Ayhan 64′), Karaman; Yazici (Under 46′); Yilmaz. Trajner: Senol Gunes
ITALIA: Donnarumma; Florenzi (Di Lorenzo 46′), Bonucci, Chiellini, Spinazzola; Barella, Jorginho, Locatelli (Cristante 74′); Berardi, Immobile (Belotti 81′), Insigne (Chiesa 81′). Trajner: Roberto Mancini
GJYQTARË:Danny Makkelie, Hessel Steegstra, Jan de Vries (Holandë), Stephanie Frappart (Francë)
79′ Roberto Insigne ka realizuar edhe golin e tretë, me një diagonale të bukur.
75′ Karaman vë në prove portierin Donnarumma, por devijimi i topit me kokë prej tij ishte i lehtë dhe italiani e ndali.
66′ Gjahtari i golit, Ciro Immobile, ka realizuar golin e dytë dhe të qetësisë. Çakir ndali mbrojtësin Spinazzola në goditjen e parë, më pas sulmuesi nuk fali
53′ Demiral realizon autogol, pas një krosi të Berardi.
Statistikat e pjesë së parë tregojnë dominimin total të Italisë së drejtuar nga Roberto Mancini.
45′ Italia pretentoi për penallti, pas një prekjeje të topit me dorë. Arbitri nuk mendoi ashtu
44′ Burak Yilmaz pretendoi për penallti në minutën e 44-t të ndeshjes, pasi përfundoi i shtrirë në zonë.
37′ Insigne godet nga jashtë zone, ballore dhe portieri Cakir e kontrollon topin pa asnjë problem
33′ Immobile provon me kokë pas një krosimi, topi përfundon jashtë kuadratit
22′ Çakir bën mrekullinë, pas një goditjeje këndi. Chiellini, me kokë tentoi ta çonte topin në rrjetë, por portieri turk e ndali.
18′ Insigne, brenda zonës, tentoi me një goditje të kalibruar ta çonte topin në kënd, por gjuajtja e tij ishte e pasaktë
10 minutat e para Italia është kërkuese, kurse Turqia nga ana tjetër përpiqet të mbyllë hapësirat dhe të niset përmes kundërsulmeve. Ende asnjë rast shënimi.
