https://youtu.be/lhjqfLK2uZk
Pas tërmetit të katërt të fuqishëm në Italinë qëndrore mijëra njerëz e kanë kaluar natën e së dielës nëpër makina, tenda, si dhe vende të përkohshme strehimi.
Tërmeti me magnitudë 6.6 që tronditi Italinë të dielën në mëngjes, e që rezulton ndër më të fuqishmit në dekadat e fundit, preku të njëjtën zonë ku gjatë muajit gusht mbetën të vdekur thuajse 300 persona nga një tjetër lëkundje sizmike.
Për fat të mirë, këtë herë nuk ka pasur asnjë viktimë, por vetëm 20 të plagosur. Megjithatë, lëkundjet e vazhdueshme po rrëzojnë edhe ato pak ndërtesa që kishin mbetur në këmbë.
