Një ngjarje e rëndë ka ndodhur në Itali ku një shqiptar ka humbur jetën tragjikisht, në kohën që po punonte. Mëhet se shqiptari po punonte në një kantier ndërtimi në Olgiate Olona në provincën e Varese, kur për fat të keq ra nga çatia, e cila ishte katër metra në lartësi.
Kolegët e shqiptarit dhanë alarmin, menjëherë sapo ndodhi ngjarja. Pavarësisht se ambulanca arriti me shpejtësi, shqiptari kishte marrë plagë të rënda dhe ndërroi jetë në vend.
Mediat italiane raportojnë se shqiptari ishte babai i dy fëmijëve dhe ishte rezident në Busto Arsizio. Aktualisht rrethanat e ngjarjes nuk janë të qarta, por pritet ekspertiza për të dalë në një përfundim.
