Një operacion rrufe i Guardia di Finanza në San Severo, Itali, ka bërë që 12 kg heroinë të kapen natën e 22 korrikut. Në pranga ranë Alessando Bonaventura nga San Severo, Eliot Jelsi, shqiptar si dhe një person i tretë që supozohet se ishte korrieri i drogës, emri i të cilit nuk është publikuar.
Guardia di Finanza ka vepruar kështu pas hyrjes në qytet të një sasie të madhe heroine. Arrestimet u kryen në momentin e takimit të korrierit me dy personat e lartpërmendur. Droga dhe makinat e të tre personave janë sekuestruar. Hetimet janë në vazhdim për të sqaruar rolin e personave të ndaluar nga Guardia Di Finanza. Nuk përjashtohet fakti që ata mund të kenë vepruar të mbrojtur nga një organizatë kriminale.
