Koronavirusi ka goditur keq Italinë, pasi janë zbuluar 60 raste të reja, ndërsa janë shënuar dhe dy vdekjet e para në shtetin fqinj.
Në Serie A ndeshjet u shtynë nga frika e madhe për përhapjen në masë të këtij virusi ka anuluar 3 ndeshje. Inter-Sampdoria, Atalanta-Sassuolo dhe Verona-Cagliari janë shtyrë.
Nga 42 sa ishin të premten dhe të shtunën në mëngjes, ky numër është rritur në 76 gjë që ka alarmuar gjithë Italinë.
Kjo ka bërë që tri ndeshje të Serie A të shtyhen dhe ato janë Inter – Sampdoria, Atalanta – Sassuolo dhe Verona – Cagliari. Deri më tani në Itali dy persona kanë vdekur e që ishin identifikuar me Coronavirus.
Tri ndeshjet e Serie A që ishin paraparë të zhvillohen sot janë shtyrë për të paktën një ditë, por që mund të shtyhen edhe për një afat tjetër nëse vazhdon të rritet numri i personave të prekur nga ky virus.
Drejtuesit kanë frikë në grumbullimin në masë të turmave që mund të sjellin pasoja shumë të mëdha. Nuk është përcaktuar një datë tjetër se kur do të luhen këto ndeshje. Situata eshtë e rendë!
Në 12:30 ishte planifikuar të zhvillohej ndeshja mes Parmës dhe SPAL-it, por arbitri i ndeshjes i ka urdhëruar lojtarët të shkojnë në dhomat e zhveshjes, me ndeshjen që është shtyrë momentalisht. Shkak për këtë është bërë ministri i sportit në Itali, Vinçenco Spadafora, i cili ka kërkuar që federata të vlerësojë shtyrjen e ndeshjeve në këtë moment delikat të vendit.
Ndërsa për Juventus-Inter nuk ka ende një vendim të fundit, teksa ndeshja është planifikuar të luhet sot duke filluar nga ora 20:45.
Lombardi dhe Veneto ishin dy zonat e rrezikshme, por gjatë ditës së shtunë numri i rasteve me Coronavirus në Itali është rritur.
