Itali, Sekuestrohen 2 ton kanabis, vinte nga Shqipëria

2 ton drogë janë sekuestruar mesditën sotme në Ankona të Italisë. Lënda narkotike e llojit marijuanë ishte e fshehur në një kamion që vinte nga Shqipëria dhe nëse do të dilte në treg do të arrinte një vlerë prej 20 milionë eurosh.

Droga u zbulua në brendësi të kamionit nga qentë Barnet të “Guardia di Finanza” ndërsa në pranga përfunduan tre shtetas shqiptarë. Lënda narkotike ishte e kamufluar mirë në një ngarkesë e cila përmbante panele.