Në Ancona të Italisë, një grua shqiptare shtatzënë ka rënë prej ditësh në koma, për shkak të një hemoragjie në kokë, mirëpo mjekët kanë bërë mrekulli. Ata kanë mundur të nxjerrin nga barku i saj të gjallë foshnjen 7 muajshe.
Nëna 25 vjeçare ndodhet në reanimacionin e Salesi-t, akoma në gjendje kome. Para mesditës së djeshme, nëna e re kishte pasur kontraktime dhe pasdite, në orën 17:00 iu nënshtrua operacionit, shkruajnë mediat italiane.
Vogëlushja ka lindur në javën e 28-të, në gjendje të mirë shëndetësore dhe iu dorëzua ekipit të mjekëve të kujdesit intensiv për të lindurit para kohe. Fatkeqësisht situata e 25 vjeçares është e rëndë.
