Policia italiane ka shkatërruar një bandë shqiptare, e cila kryente grabitje me dhunë, duke vënë në pranga 4 persona. Mësohet se autorët kanë kryer grabitje në një vilë mes Piemontit dhe Lombardisë, por edhe një grabitje tjetër në Erbusco.
Operacioni i koduar “Sytë e akullit” vuri në pranga Agustin Pjetërgjokaj 24 vjeç, Kristjan Keci 28 vjeç, Cesk Thani 32 vjeç dhe Kristjan Mëhilli 25 vjeç. Të 4 shqiptarët janë përgjegjës për krimet në fushën e vjedhjeve të banesave, posedim të armëve dhe plagosje.
Hetimet e karabinierëve vazhdojnë me qëllim që të konstatohen përgjegjësitë e mundshme të kriminelëve të lartpërmendur për krime të ngjashme të kryera në të gjithë Italinë Veriore.
