Guardia Di Finanza ka zhvilluar një operacion ku është kapur nje sasi e madhe marijuane, për të cilën mediat italiane raportojnë se është nisur nga Vlora.
Sasia e drogës mund të jetë transportuar me një mjet lundrues gomone ose skaf super të shpejtë, megjithatë Guardia di Finanza nuk jep shumë detaje, pasi vijon operacioni për zbulimin e organizatorëve të trafikut dhe pronarit te mjetit lundrues.
Sipas informacioneve të mediave lokale, ekuipazhi i varkës ku ndodhej lënda narkotike e sekuestruar ka mundur të largohet, para mbërritjes së forcave Policore. Gjate ditës së nesërme Guardia Di Finanza pritetet të bëjë një deklaratë me te gjitha të dhënat e këtij operacioni.
