Një aksident i rëndë ka ndodhur në Itali, ku për pasojë një mjek shqiptar ka humbur jetën tragjikisht. Sipas mediave italjane, mjeku 66-vjeçar, identiteti i të cilit nuk bëhet me dije është përfshirë në aksident dhe për pasojë ka gjetur vdekjen.
Raportohet se ai po udhëtonte me dy persona të tjerë në kohën kur makina tip “Mercedes Class” u përplas me ndarësen e autostradës dhe më pas u rrokullis disa herë.
Mjeku shqiptar mësohet se ka qenë i ulur në sediljen e pasme të mjetit, ndërsa përplasja ka qenë fatale për të. Dy të tjerët u dërguan me shpejtësi në spital, ku raportohet se gjendja e tyre shëndetësore është e qëndrueshme dhe nuk kanë asnjë rrezik për jetën.
