Një operacion antidrogë nga policia e Venecias ka sjellë arrestimin e 13 emigrantëve, mes tyre 11 tunizianë dhe 2 shqiptarë. Hetimet kishin filluar në maj të 2017 nga Compagni di Mestre pas një numri të madh vdekjesh të shkaktuara nga overdoza prej heroinës.
Gjatë hetimeve u arrestuan 8 persona si dhe u regjistruan 110 të dyshuar. Policia që nga fillimi i hetimeve ka zbuluar një ndarje mes dy grupeve.
Tunizianët merreshin me shpërndarjen e drogës në rrugë, në shkolla dhe në zona të tjera publike, ndërsa shqiptarët importonin drogë për t’ua shitur këtyre të fundit. Vëmendja është përqendruar kryesisht në zonën e Piaves, e cila në muajt e fundit ka qenë në qendër të shumë arrestimeve.
Pavarësisht ndërhyrjeve të policisë në këtë zonë shpërndarja e drogës ka vazhduar dhe kështu policia ka zhvilluar teknika të tjera për të gjetur autorë të tjerë të këtij hetimi.
