Dhjetë të rinj shqiptarë janë arrestuar ditën e sotme nga policia spanjolle, pasi merreshin me kultivim të lëndëve narkotike. Bëhet me dije se, shqiptarët janë të moshës 19 deri në 32 vjeç janë arrestuar si anëtarë të dyshuar të një organizate kriminale në Spanjë.
Bëhet me dije se ata kishin ndërtuar një rrejt kultivimi të drogës dhe më pas shpërndarjen e saj në disa shtete të ndryshme. Policia ka bërë sekuestrimin e 6 parcelave me mbi 2 mijë rrënjë marjiuanë si dhe 4 mijë euro. Trafikantët kishin ndërtuar një sistem të sofistikuar ngrohjeje dhe ndriçimi me energji elektrike.
Mediat spanjolle raportojnë se të ndaluarit konsiderohen si grup i strukturuar kriminal, i cili operonte në disa banesa dhe ndërtesa industriale në provincën e Alicantes. Ata janë vënë në dispozicion të gjykatave të ndryshme për krime kundër shëndetit publik dhe pjesë e një grupi kriminal, ndërsa 3 prej tyre janë futur në burg.
