Dalibor Jaukoviç është autor i sulmit me bombë në Ambasadën e Shteteve të Bashkuara në Mal të Zi.
43-vjeçari me origjinë serbe, rezulton të jetë ish-ushtarak, i dekoruar nga Sllobodan Milosheviç në vitin 1999.
Serbi i cili hodhi edhe veten në erë, ka jetuar në Podgoricë ndërsa ka lindur në Kraljevë.
Ai ka shërbyer në radhët e ushtrisë jugosllave edhe në Kosovë dhe është nderuar me një medalje për mbrojtjen e Republikës Federale të Jugosllavisë në 1999 nga vetë presidenti i atëhershëm Millosheviç.
