Ish-oficeri i policisë së qarkullimit të Fierit, Antonio Nazeraj, personi që ndaloi makinën “Audi” që ishte në pronësi të ish-ministrit të Brendshëm, Saimir Tahiri, ka fituar azilin politik në Holandë.
Nazeraj ka konfirmuar lajmin teksa shprehet i lumtur që Holanda e ka marrë në mbrojtje atë dhe familjen e tij.
Kujtojmë se në vitin 2014 gjatë një kontrolli rutinë në rrugë, Antonio Nazeraj ka ndaluar “Audin” me targë “AA 003 GB” dhe ka shoqëruar në komisariat vëllezërit Moisi dhe Artan Habilaj, të cilët udhëtonin me makinën e ish-ministrit në rrugën Fier-Levan nën shoqërinë e dy vajzave.
Pas kësaj ngjarje, Nazeraj në gusht të vitit 2018 gjatë një interviste për median holandeze “Eenvandaag”, shprehej i frikësuar se nëse nuk merrte azilin, kthimi në Shqipëri do t’i kushtonte jetën. “Kur të kthehem në Shqipëri, jam 100 për qind i vdekur”, deklaronte Nazeraj.
Autoritetet holandeze vendosën në favor të tij duke i dhënë të drejtën për të jetuar dhe punuar në vendin e tyre.
