Ish-ministri i Financave, Arben Malaj ka deklaruar se në qoftë se do kemi rënie të madhe ekonomike, shumë shqiptarë do tentojnë ta braktisin vendin.
Në një intervistë të dhënë ai u shpreh se bizneset nuk mbështeten me disa paketa fiskale.
Gjithashtu ai u shpreh se legalizimi i kanabisit apo çështja e teatrit janë thjesht debate për të spostuar problemet reale.
“E para edhe mbi të gjitha edhe sikur të nis sot legalizimi i kanabisit janë një sërë hapash që kanë radhë. Unë do të thoshë që edhe për ngjarjen e tërmetit nuk ka kaluar akoma kredia huamarrëse. Nga ana tjetër kemi pandeminë që nuk dihet kur do të hapemi. Pastaj nga ana tjetër të hapësh debate për kanabisin, për teatrin janë debate të kota. Pasi edhe po ta testoni hapja e këtyre debate janë një tendecë për spostimin e problemeve reale”, shtoi Malaj.
