Ish-deputetja e Partisë Demokratike, Oriola Pampuri është shprehur se kryeministri Edi Rama përçmon lotët e fëmijëve, dhimbjet dhe realitetin e shqiptarëve të varfër.
Pampuri nëpërmjet një postimi në rrjetet sociale deklaron se janë 300 mijë shqiptarë që nuk kanë mundësi të ushqehen 1 herë në ditë, ndërkohë që qeveria nuk bën asgjë për t’i ndihmuar.
Postimmi i plotë:
Fjalimet e Edi Ramës nuk kanë lidhje me realitetin e më të varfërve. Ai i injoron dhimbjet e një babai që nuk ka çfarë t’u japë fëmijëve. Nuk do t’ia dijë për dhimbjen e një nëne që nuk ushqen dot fëmijët. Përçmon lotët e një fëmije që nuk e ndjek dot shkollën online, sepse prindrit e tij janë të pamundur. 300 mijë shqiptarë jetojnë në të tilla kushte mbijetese, duke u ushqyer vetëm 1 herë në ditë. Deri tani nuk janë ndihmuar me asnjë qindarkë nga qeveria. Përgjigja e Edi Ramës per ta eshtë “bla bla bla”.
https://www.facebook.com/orjolapampuri/videos/212018800229973/?t=1
