Agjencia e Zonave të Mbrojtura në Vlorë është mbyllur, pasi dy punonjës të këtij institucioni janë konfirmuar pozitivë në analizat e koronavirusit.
Ky institucion do të qëndrojë i mbyllur për 14 ditë, ndërkohë që është karantinuar edhe pjesa tjetër e stafit të punonjësve.
Por në Vlorë ky nuk është institucioni i vetëm që është mbyllur, pasi në 2 ditët e fundit kanë kyçur dyert tre institucione.
Gjykata e Apelit u mbyll dy ditë më parë, Agjencia e Zonave të Mbrojtura ditën e sotme ndërsa ditën e djeshme u mbyll pjesërisht Agjencia Kombëtare e Ushqimit, ndërkohë që pak kohë më parë është mbyllur edh egjendja civile në Vlorë, por që tashmë ka rinisur punën.
Gjithashtu e mbyllur për 1 javë qëndroi e mbyllur edhe Bashkia, por i është rikthyer punës në normalitet.
