Në 2014-ën PBB 10 miliard euro, ose 3 443 euro për frymë
INSTAT publikoi të dhënat finale të rritjes ekonomike për vitet 2013 e 2014. Në 2013 PBB-ja është rritur 1 për qind, ndërsa në 2014 rritja ka qenë 1.83 për qind, dmth me e ulët se vlerësimet e deritanishme paraprake prej 2.02 për qind. Sipas INSTAT në 2014 Prodhimi i Brendshëm Bruto ka shkuar10 miliardë euro, ndërkohë treguesi i PBB për frymë rezulton të jetë 3,443 euro, me një rritje 120 euro krahasuar me një vit më parë. Sipas matjeve ndikimin kryesor në këtë rritje e kanë dhënë degët e ekonomisë si “Aktivitete profesionale dhe Shërbime administrative”, “Industria, Energjia dhe Uji” si dhe “Shërbimet e tjera”. Degët e tjera të ekonomisë si “Bujqësia, Pyjet dhe Peshkimi” “Tregti, transporti”,etj kanë patur rritje më modeste. Ndërkohë “Ndërtimi” është dega me kontribut negativ.
Përsa i përket strukturës së PBB peshën më të madhe në ekonomi për vitin 2014 e kanë Shërbimet me 45,7 për qind, Industria dhe Ndërtimi 21,5 për qind Bujqësia, gjuetia, pyjet dhe peshkimi me 20 për qind.
