Ndaj Davide Pecorellit, Prokuroria e Pukës ka ngritur tre akuza. Hetimet janë mbyllur për italianin i cili inskenoi vrasjen në Shqipëri e më pas u arratis në Itali.
“Mbulim i së vërtetës”, “zëvendësim i personit” dhe “paraqitje e dokumenteve false” janë akuzat që rëndojnë ndaj biznesmenit.
Davide Pecorelli u zhduk për 8 muaj me radhë në vitin 2021 pas një udhëtimi që zhvilloi në Pukë. Duke djegur makinën, Pecorelli sajoi vdekjen e tij, ndërsa hetimet për të vijonin prej muajsh. Por sajesa e vdekjes nuk i zgjati shumë sepse u njoh nga qytetarët italiane. Në muajin shtator 2021, Pecorelli u zbulua nga policia Italiane në një gomone që po mbytej. Ai u gjend në ishullin Elba në Toskana të Italisë.
