Regjisori Robert Budina u mor në pyetje sot nga policia, pas akuzave të Laert Vasilit se është dhunuar pasditen e djeshme tek oborri i Teatrit Kombëtar.Më pas ai dha një prononcim për mediat, ku mohoi totalisht se është ushtruar dhunë ndaj Vasilit.
“Ky është një sulm personal i Laert Vasilit, i cili po përpiqet të zvogojë kauzën tonë, ta bëjë pis atë… Jam shumë i lumtur se me lëvizjen tonë, kemi arritur të vertetojmë se këto “skandale” të vogla nuk arrijnë dot të na përçajmë apo intimidojnë”, deklaroi Robert Budina.
I pyetur se si ndodhi ngjarja, ai tha se “sapo kishim dhënë një shfaqje me trupën austriake dhe po përcillnim trupen austriake, kur u lajmërova se personi në fjalë grisi parullën tek teatri. Kur shkova, gjeta disa njerëz që konfliktoheshin me aktorin dhe u përpoqa ti ndajë. Nuk ka patur dhunë, por vetëm shtyrje. Ai ka pretendimet e veta. Ne duam provat dhe dëshmitë. Ai ka grisur posterat e Avni Delvinës, por lufta jonë nuk është personale siç e paraqet Vasili, është luftë konceptesh. Ai s’ka forcë për ta dëmtuar kauzën tonë. Dhe sa i përket provave le të hapen kamerat e sigurisë së Ministrisë së Brenshme”, shtoi ai. /abcnews.al
