Nga selia e Koordinatores Kombëtare të Luftës kundër Korrupsionit në Partinë e Lirisë, Briseida Shehaj dhe Silva Caka kanë zhvilluar një komunikim lidhur me aferën e inceneratorëve. Shehaj tha se faktet e reja tregojnë se ka shkelje dhe se kontratat vazhdojnë procesin në shkelje të ligjit.
“Kompania e ka të ndaluar të kryejë transaksione jashtë kontratës koncensionare. Gënjeshtrat e MIE janë shkruar me nxitim. Në shkresë që është kërkese për informacion drejtuar kompanisë kocensionare, kërkohet informacion nga Ministria e Financave dhe Ekonomisë. Inspektimi financiar i MF ka lënë detyra që në dhjetor të 2020. Ministria e drejtuar nga Balluku kërkon informacion për 7 mars 2022 dhe pak ditë para se të vihej në sekuestro inceneratori i Fierit”, u shpreh ajo. Pak më herët edhe deputeti i PD denoncoi se si vazhdojnë pagesat për 2 inceneratorët që nuk janë në funksion.
