Fadromat e IMT-së kanë mbërritur mëngjesin e sotëm në “Prestige Resort”. IMT ka vijuar shembjet për ditën e tretë me radhë. Pas shkatërrimit të dy pishinave, fadromat kanë nisur shembjen e pjesës ballore të resortit.
Aksioni i Inspektoriatit Kombëtar të Mbrojtjes së Territorit nisi ditën e djeshme për prishjen e 2 pishinave që sipas IKMT janë pa leje dhe në kundërshtim me ligjin. Kjo ndërhyrje ka sjellë dhe reagime të shumta politike nga të dyja palët. Drejtuesit e resortit akuzojnë qeverinë ndërsa kjo e fundit me anë të një reagimi nga ana e ministrisë së Brendshme sqaroi se aksioni i IKMT-së është komfort regullave.
