Tashmë si kryetar i Partisë së Lirisë, Ilir Meta, ka fokusuar denoncimet e tij për aferën e inceneratorëve. Përmes një postimi në Fabeook ai ka publikuar najë video ku shfaqen dokumente, firma dhe deklarata të personave të përfshirë në projektin e inceneratorëve, me në krye Ramën, Veliajn dhe Ahmetajn. Mbi video Meta shkruan se Partia e Lirisë nuk do të dorëzohet derisa të gjithë fajtorët të vihen para përgjegjësisë. Ai ka theksuar se do të vënë në funksion revolucionin antikorrupsion si një ortek të pamëshirshëm për oligarkët në qeveri.
“Revolucioni Antikorrupsion, një ortek i pamëshirshëm për të gjithë minjtë që i dalin përpara. Në “furrën” e inceneratorëve do përfundojnë të gjithë! Ndiqni faktet e reja”, shkruan Meta.
Pak më herët në një deklaratë për mediat doli Monika Kryemadhi, e cila tregoi se ka dorëzuar sot në SPAK fakte të reja që tregojnë abuzimet që janë bërë me inceneratorët.
