Ministri i Drejtësisë, Petrit Vasili, ka deklaruar se LSI është një forcë politike që hyn në zgjedhje për të fituar dhe se kush do jetë kryeministri i ardhshëm këtë do e vendosin zgjedhësit.
I ftuar sot në emisionin “Kjo Javë” në “News 24”, Vasili tha se LSI ka pasur gjithnjë ambicie dhe jashtë kësaj pune të palodhur që bën çdo ditë LSI s’do ishte këtu ku është, pra një forcë përcaktuese në qeverisje, por do ishte një parti humbëse
“E kam parë që janë promovuar nga media këto deklarata të LSI dhe për këtë ndihem mirë. LSI është një forcë politike që hyn në zgjedhje për të fituar, ka pasur gjithnjë ambicie dhe jashtë kësaj pune të palodhur që bën çdo ditë LSI s’do ishte këtu ku është, pra një forcë përcaktuese në qeverisje, por do ishte një parti humbëse. Natyrshëm LSI do vazhdojë të punojë fort që t’i arrijë këto standarde sa më të larta, sigurisht që janë votuesit që e thonë fjalën, do presim çfarë do vendosin ata pastaj do marrim vendimin se çfarë do kërkojmë”- tha Vasili.
