Kryetari i Parlamentit flet për situatën politike, reformën në drejtësi por edhe për qeverisjen, fokusuar tek konçesionet
Kryetari i Kuvendit Ilir Meta ka shfaqur hapur ambicien e tij për tu bërë president i vendit. Në një intervistë për Oranews me gazetarin Ylli Rakipi, Meta foli për situatën politike, Reformën në Drejtësi e Byronë e Hetimit, por edhe për problematikën e qeverisjes.
I pyetur për ambicien e tij për tu bërë president, Meta tha: Nuk do të isha i sinqertë po të thoja që nuk dua të jem President”. Kryeparlamentari theksoi se konçesionet janë një shqetësim publik në rritje ku mungon transpareca. Ai tha se duhet të veprojë Prokuroria për të hetuar shkeljet për koncesionet, ndërkohë që theksoi se po përgatiten nisma legjislative për konçenionet.
Si kryetar i LSI-së, Meta theksoi se partia që drejton është e interesuar për të ndryshuar sistemin zgjedhor dhe konkretisht është për sistem proporcional me korrektim kombëtar. Listat e mbyllura nuk e ndihmojnë parlamentarizmi. Sa i përket reformës në Drejtësi, Meta u shpreh se duhet një debat i gjerë për drejtësinë dhe se reforma nuk ka për qëllim të burgosë politikanë.
