Kryetari i LSI-së dhe nënkryetari i Kuvendit i pyetur në një konferencë për shtyp në lidhje me deklaratat e Ylli Manjanit dhe pranimin nga ana e tij e shkarkimit, është shprehur se nuk tërhiqet dhe as trëmbet para asnjë presioni politik. Për këtë kujton periudhën e 2008, kur dilte kundër dy partive të mëdha.
Sipas tij, për Manjanin ka folur mjaftueshëm Erisa Xhixho dhe Luan Rama, por nuk harroi të thotë që duhen hedhur sa më pak shashka. Akuzat e Manjanit në konferencën e tij për shtyp morrën këtë përgjigje të hidhur nga kreu i LSI-së, i cili veç shkarkimit tashmë i ka hapur udhën edhe largimit të Manjanit nga partia.
Megjithatë Meta nuk është treguar kaq i ashpër me ministrin tjetër Lefter Koka, akuzat e të cilit për kanabizimin e Shqipërisë i vlerëson vetëm si “shqetësime”.
