Ilir Kërni ka dhënë dorëheqje nga posti i drejtorit të Teatrit Kombëtar të Operas dhe Baletit. Nuk ka ende një sqarim zyrtar për arsyet e dorëheqjes por burimet thonë se Kërni e ka marrë vendimin për arsye personale. Ora News raporton se dorëheqja e Kërnit është për arsye personale dhe të angazhimeve të tij artistike dhe jo për shkak të ndonjë konflikti. Po të njëjtat burime bëjnë të ditur se Ilir Kërni ka dorëzuar kërkesën për dorëheqje në ministri ditën e djeshme rreth orës 14:00.
Ilir Kërni erdhi në krye të këtij posti në vitin 2013, kur Këshilli i Ministrave në atë kohë vendosi lirimin nga detyra të Zhani Ciko, si drejtori i përgjithshëm i Teatrit Kombëtar të Operës, Baletit dhe Ansamblit Popullor dhe emëroi Ilir Kërnin.
Ilir Kërni ka lindur në Tiranë më 18 maj 1959. Në vitin 1977 përfundoi Akademinë e Baletit. Menjëherë u angazhua si primo-balerin në Teatrin Kombëtar të Operas dhe Baletit në Tiranë. Kërni mbante postin e drejtorit të Teatrit Kombëtar të Operas, Baletit dhe Ansamblit Popullor që prej vitit 2013.
