Iker Kasijas nuk ka më asnjë ngjashmëri me atë që luante dikur për Realin e Madridit dhe në Portugali ku aktivizohet aktualisht kanë filluar t’i japin të drejtë bashkardhetarit të tyre, Hoze Murinjo, “profetit” që i zbuloi për herë të parë përfundimin. Porto nuk shkon mirë edhe për fajin e tij, ndërsa presidenti i klubit, Pinto da Kosta e ka cilësuar publikisht transferimin e portjerit spanjoll si një dështim total. Në Oporto, Iker ka arritur një rekord negativ, duke pësuar 34 gola në po aq ndeshje të luajtura dhe është kthyer në një zhgënjim për të gjithë. “Prisnim shumë më tepër nga Kasijas, duke pretenduar që të ishte lider i skuadrës. Paga e tij ishte jashtë parametrave tona, ndërkohë që është përgjegjës për vendin e tretë të skuadrës në kampionat, si dhe eleminimin nga Champions”, thotë presidenti I Portos, i cili përfundon duke qenë më i drejtpërdrejtë: “Thuhet se është kërkuar nga Nju Jork në MSL, shpresoj të jetë e vërtetë”.
