Ministria e Punëve të Brendshme e Maqedonisë së Veriut ka njoftuar për ndalimin e 16 të rinjve maqedonas, të dyshuar për fyerje ndaj shqiptarëve, në lagjen “Gjorçe Petrov”, në dalje të Shkupit në drejtim të Tetovës.
Aksioni i policisë erdhi pas një videoje të publikuar në facebook, ku shiheshin një grup të rinjsh duke brohoritur thirrje të rënda ndaj shqiptarëve si “shqiptar i vdekur, shqiptar i mirë!”.
Por, ata u përballën me shqiptarët që kalonin aty për një festë familjare.
Dasmorët shqiptarë u ndalën për t’u kërkuar llogari nga tifozët, por ata ia mbathën. Video është bërë virale.
