Mesila Doda: PDIU është një parti patiotike. E vetmja mundësi zhvillimi për shqiptarët është të jemi bashkë. Nëse jemi veçmas jemi të dobët
“Populli voton dy partitë numërojnë”, tha sot kryetari i PDIU-së, Shpëtim Idrizi. Ai e cilëson Stalinist këtë system që dominohet nga interesat e dy partive të mëdha. Në takim me strukturat drejtuese të kësaj partie, Idirzi ka theksuar se megjithatë PDIU do të dyfishojë mandatet në zgjedhjet e ardhëshme. Ai tha se të rinjtë po anëtarësohen masivisht në PDIU. Idrizi ka përshëndetur ata që besuan në këtë lëvizje qysh në fillimet e saj.
“Dua të përshëndes ata 25 veta me të cilët kemi filluar rrugëtimin 7 vite më parë. I falenderoj të gjithë ata të cilët i kanë dhënë zë, i kanë dhënë zemër, që kanë votuar dhe kanë mbështetur PDIU-n në gjithë këto vite. Kemi nisur një proces shumë të rëndësishëm, që ka të bëjë më zgjedhjet në PDIU. Një proces ky për ta bërë këtë parti, një parti të madhe, një parti të hapur, një parti për gjithë shqiptarët, e cila në fokus të saj ka identitetin dhe dinjitetin e çdo shqiptari. Ne jemi të bindur sepse vetëm me dinjitetin tonë do të kemi një Shqipëri europiane dhe llogaridhënse”.
Gjithashtu Kryetari i PDIU-s vlerësoi procesin e antarsimeve të reja. Ai u shpreh se: “Ne kemi nisur fushatën e anëtarsimeve të reja në PDIU. Sigurisht që po më këtë lloj kënaqësie dhe surpërize kam parë edhe anëtasimet e reja “online”. E gjithë kjo mbështetje e madhe na tregon shumë, na tregon se si e nisëm, na tregon se ku jemi, por na tregon edhe përgjegjësinë që kemi për ta bërë PDIU-n një parti të madhe, e cila sot është e strukturuar në të gjithë Shqipërinë. Gjithë procesi I anëtarsimeve do të kulmojë në zgjedhjet e 21 majit ku nga kryetari I partisë deri tek delegatët në kongres do zgjidhen me parimin një anëtarë një votë”.
Idrizi tha gjithashtu se populli shqiptar duhet të ndahet nga komunizmi. “Nuk duhet të lejohet akoma që sot e kësaj dite të ketë në administratën shqiptare, në gjykata, njerëz që të japin drejtësi ata që kanë dhënë padrejtësi dhe që kanë masakruar shqiptarët, ndaj ne duhet të ndahemi njëherë e mirë nga komunizmi”, tha Idrizi.
Ndërsa deputetja e PDIU-së, Mesila Doda tha se PDIU është një parti patriotike dhe jo ekstremiste apo nacionaliste. E vetmja mundësi për shqiptaret tha Doda është bashkimi i tyre.
“Nuk ka Shqipëri të madhe ose të vogël, ka një Shqipëri aty ku e ka vendosur zoti, së bashku me një shtet përtej, që na kanë ndarë. Ne nuk jemi as ekstremist, as nacionalist por jemi patriot. E vetmja mundësi zhvillimi për shqiptarët është të jemi bashkë. Nëse jemi veçmas jemi të dobët. Politikanët e të dyja anëve të mos sillen në mënyrë meskine, duke minuar përpjekjet e atdheut”. – tha Znj. Doda.
