PDIU nuk është një parti e vogël, pasi ne kemi qenë 65 mijë votues.
Kështu ka deklaruar kryetari i PDIU-së Shpëtim Idrizi, në emsionin “Të Paekspozuarit”, të gazetarit Ylli Rakipi.
“Partia Partia Drejtësi Integrim dhe Unitet nuk dëmtohet nga pjesëmarrja të vetëm dhe pa kolacion në zgjedhje. Në vitin 2008 koalicionet ishin të detyrueshme. Unë ju them se PDIU ndihet shumë më mire tani që është e vetme dhe garon në korsinë e vet. PDIU nuk është një parti e vogël, pasi ne kemi qenë 65 mijë votues dhe këtë numër na e kanë dhënë se ne nuk kemi pasur numërues”, tha Idrizi.
I pyetur se sa mandate do marrë PDIU në 25 qershor, Shpëtim Idrizi u shpreh se partia e tij do ketë grup parlamentar duke marrë 7 deputetë.
“Ne do kemi parlamentar dhe besoj do marrim 7 deputetë. Ne jemi fokusuar në Tiranë, Elbasan, Dibër, Durrës, Fier, Vlorë, Shkodër, Korçë. Në jemi një parti që jemi prezent kudo si parti kombëtare, jemi në të gjithë shqipërinë. Ne u bëmë pjesë e maxhorancës në momentin e reformës administrative. Pa votat tona nuk kalonte reforma administrtive, dhe në realizuam Bashkinë e Konispolit, pasi ishte fshirë, në e rikthyem pasi nga Greqia quhej si bashki minoritare.
