Policia franceze ka zbuluar detaje të reja nga vrasja makabre e 37 vjeçares shqiptare Brunilda Kovaçi në Mugins në afërsi të Kanës.
Sipas mediave franceze 37 vjeçarja e cila ishte nëna e një djali të mitur u gjet gjysmë e zhveshur natën e Krishtlindjeve në një park të qytetit dhe trupi i saj ishte pjesërisht i djegur.
Mediat duke cituar prokurorinë franceze kanë shkruar se shtetësja shqiptare ka ushtruar prostitucion në zonën ku u gjet e vrarë dhe sipas hetimeve autori i krimit ka qenë një nga klientët e saj.
Policia franceze ka bërë me dije se ka arrestuar një 28 vjeçar shqiptar si të dyshuar për krimin. Ai u ka treguar hetuesve policorë se e ka mbytyr 37 vjeçaren pas një sherri që kishin pasur në makinën e tij.
Sipas detajeve nga prokuroria franceze, mësohet se pas krimit i riu ka tentuar që të zhdukë trupin duke e dërguar në një park ku ka tentuar ta eliminojë atë duke e djegur. Motivi i krimit mbetet ende i paqartë por dyshohet për motive të dobëta.
Prokurori shtoi se shqiptarja kishte denoncuar edhe një tjetër rast dhune në vitin 2015, ndërsa u identifikua nga 2 tatuazhe në trupin e saj.
