Sistemet e monitorimit të materialit bërthamor në objektet e depozitimit të mbetjeve radioaktive në termocentralin bërthamor të Çernobilit, kanë ndaluar dërgimin e të dhënave në Agjencinë Ndërkombëtare të Energjisë Atomike (IAEA), bëri me dije agjencia e OKB-së.
Theksojmë se gjatë ditëve të kaluara Rusia ka marrë nën kontroll centralin bërthamor, i cili në të kaluarën kishte shkaktuar fatkeqësi të madhe njerëzore.
“Ukraina i raportoi Agjencisë Ndërkombëtare të Energjisë Atomike ditën e sotme se po bëhej gjithnjë e më urgjente dhe e rëndësishme për menaxhimin e sigurt të Termocentralit Bërthamor të Çernobilit të rrotullohen rreth 210 personel teknik dhe roje që kanë punuar atje që kur forcat ruse morën kontrollin”, ka njoftuar Agjencia në Twitter.
“CEO gjithashtu raportoi se transmetimi në distancë i të dhënave nga sistemi i monitorimit të sigurisë së Çernobilit ishte humbur”, tha IAEA. Ndër të tjera, IAEA monitoron sigurinë e materialit bërthamor.
Kujtojmë se, Rusia filloi një agresion në Ukrainë në datën 24 shkurt të këtij viti.
