Kryeministri në detyrë i Britanisë së Madhe, Boris Johnson, ka marrë pjesë këtë të shtunë në një stërvitje ushtarake. Nga pamjet e publikuara në mediat e huaja, Johnson shihet duke ‘provuar një predhë antitank dhe hedhur një granatë’ teksa shikon trupat ukrainase duke u trajnuar në një bazë të ushtrisë britanike në North Yorkshire.
Sipas mediave britanike, kryeministri ishte veshur me rroba kamuflazhi dhe atij iu instruktua se si të përdorte armët e zjarrit nga oficerët ushtarakë.
Johnson shkroi në Twitter pas “eksperiencës në ushtri”: “Këtë javë vizitova trupat ukrainase që stërviteshin nga Forcat e Armatosura Britanike në North Yorkshire”.
“Britania e Bashkuar është e përkushtuar të bëjë gjithçka që mundemi për të ndihmuar Ukrainën të vazhdojë të zmbrapsë agresionin rus”.
Ai ka postuar gjithashtu një video ku shfaqet në veprim, duke ndjekur seancën stërvitore.
“Unë vetëm dua që ju të dini se populli i Mbretërisë së Bashkuar mbështet popullin e Ukrainës dhe ju mbështet në luftën tuaj. Dhe unë jam absolutisht i bindur se ju mund të fitoni dhe se do të fitoni”.
Në video, Johnson shpjegon dhe si takoi disa nga 400 trupat ukrainase që po trajnohen në bazë.
Aty ai foli për “angazhimin e madh” të Mbretërisë së Bashkuar për të trajnuar forcat e armatosura të Ukrainës.
“Ne duam të trajnojmë rreth 10,000 prej tyre gjatë katër muajve të ardhshëm”.
This week I visited Ukrainian troops being trained by British Armed Forces in North Yorkshire.
The UK is committed to doing all we can to help Ukraine continue to repel Russian aggression. pic.twitter.com/HMTClRFST5
— Boris Johnson (@BorisJohnson) July 23, 2022
