Një 28 vjeçar nga qyteti i Shkodrës është vetëdorëzuar në polici pasi u shpall në kërkim në kuadër të operacionit “Ndalesa e Fundit”.
Mësohet se shtetasit A.B., 28 vjeç është shpallur në kërkim që prej datës 15.11.2017 pasi iu gjetën rreth 70 kg Cannabis Sativa.
Mirëpo ky i fundit së bashku me shtetasit E. X. dhe D. H. sapo kanë parë policinë kanë arritur të largohen.
Ndërkohë prokuroria ka dhënë masën e sigurisë “Arrest në burg” për 28-vjeçarin.
Njoftimi i Policisë:
Specialistët për Hetimin e Narkotikëve në DVP Shkodër bënë ekzekutimin e urdhrit të ndalimit, pasi Gjykata e Shkallës së Parë Shkodër për shtetasin A. B., 28 vjeç, banues në Fushë-Krujë ka dhënë masën e sigurisë “Arrest në burg”.
Ky shtetas, më datë 15.11.2017, gjatë operacionit të finalizuar “Ndalesa e fundit” nga D. V. P. Shkodër, në bashkëpunim me shtetasit K. X., F. H., të cilët janë arrestuar gjatë operacionit, si dhe me E. X. e D. H., të cilët janë shpallur në kërkim, në afërsi të një karburanti në fshatin Grizhë, Malësi e Madhe, iu gjetën dhe sekuestruan në cilesinë e provës materiale rreth 70 kg Cannabis Sativa.
Shtetasi A. B. së bashku me shtetasit E. X. dhe D. H. sapo kanë parë policinë kanë arritur të largohen.
Materialet iu referuan Prokurorisë së Rrethit Gjyqësor Shkodër, për veprën penale “Prodhimi dhe shitja e narkotikëve, e kryer në bashkëpunim”
